خطيبى خاننى يوم الخطوبه !!!!!
أنــا عنـدى 27 سنـه إتقدملى واحـد إبن جيران صاحبـة مامتى
هو مايعرفنيش خطوبه تقليديه عن طريق المعارف واتقرت الفاتحه شهرين وكنا بنخرج عشان نتعرف على بعض أكتر وبيجى عندنا البيت يتعزم ويقعد مع أهلى
لحد ما أخدنا على بعض
وفعلا عملنا الخطوبه وكان يوم جميل وبعدها عشنا اجمل ايام مع بعض
وفى مره بعد الخطوبه ب 3 شهور تقريبا وصلنى رساله كانت كوبى من رسايله مع بنات من الاكونت بتاعه على الفيس بووك
الرساله كانت من حد معرفهوش وكان فيها باسوورد اكونت خطيبى
دخلت وعلا لقيت ل رسايله مع البنات ولقيت رساله يوم خطوبتنا ... الساعه 3 الفجر !!!!
يعنى حضر الخطوبه ورجع البيت يخونى :(
والرسايل كلام جرىء وماينفعش أقوله
قولت لمامتى انا هسيبه قالتلى لاء انتى سنك بيكبر واستنى نكلمه
وحاولت هى واهله يعدوا الموضوع وهو قال دى نزوه
بس بعد كده استمر فى علاقاته دى مع البنات ... حسيت انى مش قادره اتحمل وقولت لببايا هو ماكنش يعرف
ببايا قالى تقبلى تتجوزيه ويعمل كده وانتى مراته ..هتتحملى ؟؟؟
قولتله لاء
قالى خلاص يبقى ننهى الموضوع
اتصل بيه وباهله وقالهم كل شىء قسمه ونصيب وحد ييجى ياخد الشبكه
طبعا الموضوع ماعداش بسهوله بين والدتى ووالدى هى كانت عايزه تجوزنى زى اى ام وتفرح بيا وهو كان شايف انى لو اتجوزته هتعب
فات 8 شهور بعد فسخ الخطوبه ومن يومين مامته كلمتنا عايزه ترجع الموضوع تانى
انا فى حيره أديله فرصه تانيه ولا لاء
ياريت تساعدونى
+%D9%83%D9%80%D9%80%D9%84+%D8%AD%D8%A7%D8%AC%D9%80%D9%80%D9%87+%D9%81%D9%8A%D9%80%D9%80%D9%87+%D8%B7%D8%B9%D9%85%D9%87%D9%80%D9%80%D9%80%D8%A7+%D8%AD%D9%84%D9%80%D9%80%D9%80%D9%88+...jpg)
5 التعليقات:
هتفضلى طول الوقت شاكه فيه وقلقانه ودا هيعكنن عليكم حياتكم وهيجيب مشاكل وهيسببلك قلق
فبلاش احسن وربنا يكرمكم باحسن منه ان شاء الله
يعنى دا عمل دا يوم الخطوبة يعنى ماحاولش مع نفسه اصلا دا دليل انه مش عنده نيه يبطل دا
دي حاجه ترجعلك مش تاخدي برأي حد
صلي صلاة استخارة
صباح الخير بقولك راى شخصي وهو يمثلني انا كاشخص انا شوف انك ماترجعي له عشان شي واحد فقط هو بابا امس يقول الزوج قسمه ونصيب بعد ماطلعتو وجاكم البيت والحين صعب يقوله تعال تزوج بنتي حياك وفي نهائه القرار لك انتي ولاتنسي ان طبع يغلب تطبع وشكرا
اولا بصلي استخارة وربنا يختار لك الخير
ولو كان هو الي رجع وطلبك واستسمح منك كنت هقول لك فكري في الموضوع .. لكن لما امه هي الي اتكلمت بيحسس انه مش هامه حاجة وساعتها لو وافقتي يبقى لازم تستحملي منه اي حاجة .. وربنا يعوضك بخير
مع احترامي للجميع هل الحديث مع بنات عبر النت خيانه؟؟؟؟؟؟؟؟؟؟؟؟؟؟؟؟؟؟؟؟؟؟ حقيقي الي يقول كده يبقي لا يتزوج خالص لان النساء تكلم رجال والرجال تكلم نساء وده شيء طبيعي جدا المهم انهم علي النت فقط ودي مش مشكله خالص طلما علي النت فقط حوار ودردشه ايا كنت لا تنزعجي منها
إرسال تعليق